Сыйақы

Компания Жарғысына сәйкес Директорлар кеңесінің мүшелеріне сыйақы төлеу мөлшері мен тәртібі Жалғыз Акционердің шешімімен айқындалады, ал сыйақы мөлшері, Басқарма Төрағасы мен мүшелерінің сыйақыларын төлеу тәртібі мен шарттары «Самұрық-Энерго» АҚ басшы және басқарушы қызметкерлерінің қызметі мен сыйақысын бағалау қағидаларына» сәйкес айқындалады.

Директорлар кеңесі мүшелерінің сыйақысы

«Самұрық-Энерго» АҚ Директорлар кеңесі мүшесінің міндеттерін орындағаны үшін Тәуелсіз директорлар жылдық тіркелген сыйақыны алады.

Тәуелсіз директорға оның тұрақты тұрғылықты жерінен тыс өткізілетін «Самұрық-Энерго» АҚ Директорлар кеңесінің және Директорлар кеңесі комитеттерінің отырыстарына шығуына байланысты шығыстар (жол жүру, тұру, тәуліктік) өтеледі.

Басқарма мүшелерінің сыйақысы

Басқармаға сыйақы төлеу «Самұрық-Энерго» АҚ басшы және басқарушы қызметкерлерінің қызметін бағалау және сыйақы беру қағидаларына» сәйкес шарттар мен тәртіппен жүзеге асырылады.

Бағалау ережелері мынадай қағидаттарға негізделеді:

• Сыйақының Компания мен оның акционерінің мүдделеріне сай келетін міндеттерді орындаумен өзара байланысы;
• Сыйақы мөлшерін айқындау қағидаттарының қарапайымдылығы мен ашықтығы;
• Сыйақы мөлшерінің Компания қызметінің нәтижелеріне және қызметкерлердің нәтижелілігіне тәуелділігі.

Директорлар кеңесі атқарушы органның басшысы мен мүшелерін бағалайды. Бағалаудың негізгі критерийі қойылған ҚНК-ға қол жеткізу болып табылады.

Негізгі басшы персоналдың сыйақысы қызметкерлердің жалақысын, сыйлықақыларын және басқа да қысқа мерзімді сыйақыларын білдіреді.

Сыйақы мөлшері, мың теңге