Корпоративтік басқару жүйесі
Бизнесті жүргізуге жауапкершілікпен қарау – біздің басымдығымыз. Біз жұмысты салалық стандарттарға және үздік әлемдік тәжірибелерге сәйкес келетін ашық және тиімді корпоративтік басқару жүйесі негізінде құрамыз. Оны үнемі жетілдіру бізге барлық мүдделі тараптардың мүдделерін ескеруге және «Самұрық-Энерго» АҚ-ның барлық Компаниялар тобының тұрақты дамуына үлес қосуға мүмкіндік береді.
Тиімді корпоративтік басқарудың негізгі мақсаты – салмақты және негізделген шешімдер қабылдауға жағдай жасау. «Самұрық-Энерго» АҚ қызметінің жоғары нәтижелілігіне барлық деңгейлерде корпоративтік басқарудың құрылған процестерінің арқасында қол жеткізіледі, бұл ашықтықты, бақылауды, өкілеттіктерді нақты бөлуді және тәуекелдерге уақтылы ден қоюды қамтамасыз етеді.
Корпоративтік құрылым және жауапкершілікті бөлу
Компания корпоративтік басқарудың жетілген деңгейіне жетті, бұл нақты басқару құрылымында және рөлдер мен міндеттерді бөлуде көрінеді. Директорлар кеңесі атқарушы органның қызметіне стратегиялық басшылықты, бақылауды және акционерлердің мүдделерін қорғауды жүзеге асырады. Компания басшылығы іскерлік әдеп пен ашықтықтың жоғары стандарттарын сақтай отырып, операциялық қызметті тиімді басқарады. Органдардың құзыреті мен шешім қабылдау тәртібі Жарғыда нақты анықталған және бекітілген.
Корпоративтік басқару жүйесі мыналарды қамтиды:
- мәселелерді қарау және шешім қабылдау тәртібінің иерархиясын сақтау;
- органдар, лауазымды тұлғалар мен жұмысшылар арасындағы өкілеттіктер мен жауапкершілікті нақты ажырату;
- «Самұрық-Энерго» АҚ және оның ЕТҰ органдарының уақтылы және сапалы шешім қабылдауы;
- «Самұрық-Энерго» АҚ және оның ЕТҰ қызметіндегі процестердің тиімділігі;
- «Самұрық-Энерго» АҚ және оның ЕТҰ заңнамасына, Корпоративтік басқару кодексіне және ішкі құжаттарына сәйкестігі.
Корпоративтік басқару құрылымы
«Самұрық-Энерго» АҚ мен оның ЕТҰ-да басқару органдары, атқарушы органдар, құрылымдық бөлімшелер туралы ережелер және тиісті лауазымдарға арналған лауазымдық нұсқаулықтар бекітілген. Осы құжаттардың ережелерін сақтау корпоративтік басқару процестерінің жүйелілігі мен дәйектілігін қамтамасыз етеді.
Компанияның корпоративтік басқару саласындағы негізгі ішкі құжаттары:
- «Самұрық-Энерго» АҚ Корпоративтік басқару кодексі;
- «Самұрық-Энерго» АҚ активтерін басқару саясаты;
- «Самұрық-Энерго» АҚ-ның еншілес және тәуелді ұйымдарымен өзара әрекеттесу жөніндегі регламент;
- 2024 жылға арналған Тұрақты дамуды басқару жүйесін жетілдіру жөніндегі Жол картасыжылға арналған тұрақты дамуды басқару жүйесін жетілдірудің жол картасы.
Корпоративтік басқару саласындағы «Самұрық-Энерго» АҚ-ның негізгі саясаты:
| Құжат | Соңғы нұсқаның күшіне ену күні |
|---|---|
| «Самұрық-Энерго» АҚ жарғысы | 26.01.2023 ж. |
| Корпоративтік басқару кодексі | 10.11.2023 ж. |
| Мінез-құлық кодексі | 22.05.2019 ж. |
| Директорлар кеңесі туралы ереже | 24.02.2020 ж. |
| Директорлар кеңесінің Стратегиялық жоспарлау комитеті туралы ереже | 14.07.2022 ж. |
| Директорлар кеңесінің Аудит жөніндегі комитеті туралы ереже | 25.05.2018 ж. |
| Директорлар кеңесінің Тағайындаулар және сыйақылар жөніндегі комитеті туралы ереже | 25.05.2018 ж. |
| Директорлар кеңесінің Қауіпсіздік, еңбекті қорғау және қоршаған ортаны қорғау комитеті туралы ереже | 14.07.2022 ж. |
| Директорлар кеңесінің мүшелерінің біліктілігін арттыру және сыртқы сарапшыларды тарту саясаты | 24.03.2011 ж. |
| Корпоративтік хатшы туралы ереже | 27.12.2021 ж. |
| Басқарма туралы ереже | 23.08.2019 ж. |
| Тәуекелдер жөніндегі комитет туралы ереже | 16.07.2018 ж. |
| Басқарманың өндірістік қауіпсіздік, еңбекті қорғау және қоршаған ортаны қорғау комитеті туралы ереже | 25.06.2018 ж. |
| Қызметті жоспарлау және бағалау комитеті туралы ереже | 07.06.2021 ж. |
| Несиелік комитеті туралы ереже | 13.08.2018 ж. |
| Тәуекелдерді басқару саясаты | 26.05.2014 ж. |
| Корпоративтік менеджмент жүйесінің саясаты | 26.02.2024 ж. |
| Алаяқтық пен сыбайлас жемқорлыққа қарсы саясат | 25.09.2024 ж. |
Біз ашықтық, есеп беру, жауапкершілік және әділеттілік принциптерін басшылыққа аламыз. Барлық шешімдер мүдделі тараптардың мүдделерін және Компанияның ұзақ мерзімді тұрақтылығын ескере отырып қабылданады. Мүдделер қақтығысын болдырмау және Директорлар кеңесінің тәуелсіздігін қамтамасыз ету жөніндегі саясат әзірленді.
Компания акционерлер мен мүдделі тараптарға уақтылы, сенімді және толық ақпарат бере отырып, ақпаратты ашудың халықаралық стандарттарын ұстанады. Жылдық есептер мен қаржылық емес есептер GRI нұсқаулығына және ESG стандарттарына сәйкес дайындалады (толығырақ «Есеп туралы» бөлімінде).
Корпоративтік басқару саласындағы оқыту және дамыту
2024 жылы «Самұрық-Энерго» АҚ корпоративтік басқару, тұрақты даму және тәуекелдерді басқару саласында қызметкерлерді оқыту және дамыту бойынша жүйелі жұмысты жалғастырды. Білім беру іс-шаралары сыртқы сарапшылар мен халықаралық ұйымдардың қатысуымен өткізілді, бұл персоналды даярлаудың жоғары деңгейін қамтамасыз етуге мүмкіндік берді.
Тұрақты даму мәселелеріне ерекше назар аударылды. Портфельдік компаниялар үшін 2024 жылдың қыркүйегінде үздік тәжірибелерді талдай отырып, жылдық есептілікті дайындау тақырыбында онлайн- кездесу өткізілді. 2024 жылғы желтоқсанда 2024 жылдың қорытындысы бойынша және 2025 жылғы міндеттерге бағдарлана отырып, тұрақты дамудың жаһандық мәнмәтініне, «Самұрық-Энерго» АҚ компаниялар тобының ұлттық сын-қатерлері мен үлесіне арналған пікірталас сессиясы өтті.
Негізгі бағыттардың бірі климаттық өзгерістер мәселелері бойынша оқыту болды. Есепті кезеңнің қараша айында энергетикалық секторы үшін климаттық тәуекелдер бойынша корпоративтік семинар ұйымдастырылды. 2024 жылдың желтоқсанында McKinsey Директорлар кеңесі мен топ-менеджмент мүшелеріне климаттың өзгеруі мен энергетиканың даму перспективалары туралы оқыту сессиясын өткізді.
Корпоративтік мәдениет пен құндылықтарды нығайту шеңберінде есепті кезең ішінде кәсіпқойлық, тиімді коммуникация, жанжалдарды басқару тақырыптары, сондай-ақ Гарвард әдістемесі бойынша келіссөздер жүргізу дағдылары бойынша тренингтер өткізілді. Бұл іс-шаралар қызметкерлердің жеке және кәсіби құзыреттерін дамытуға бағытталған.
Сонымен қатар, 2024 жылдың қараша айында Комплаенс қызметі компанияда сыбайлас жемқорлыққа қарсы мәдениетті қалыптастыру мәселелері бойынша оқыту семинарын ұйымдастырды, бұл «Самұрық-Энерго» АҚ-ның әдептік стандарттар мен бизнесті адал жүргізу қағидаттарын сақтауға деген ұмтылысын көрсетеді.
«Самұрық-Энерго» АҚ компаниялар тобындағы корпоративтік басқару
2024 жылы «Самұрық-Энерго» АҚ еншілес және тәуелді ұйымдарды басқарудағы тиімділік пен ашықтықты арттыруға бағытталған активтерді басқару жөніндегі саясатты бекітті.
Топтағы активтерді басқару Даму стратегиясы негізінде іске асырылады және жалпы стратегиялық мақсаттарға қол жеткізу үшін еншілес компаниялардың қызметін үйлестіруді қамтиды, Топқа кіретін әрбір компанияның тиімділігі мен бәсекеге қабілеттілігін арттыруға ықпал етеді.
Негізгі мақсат – Топ компанияларының стратегиялық үйлесімділігін, олардың қаржылық тұрақтылығы мен операциялық тиімділігін қамтамасыз ету. Корпоративтік басқарудың заманауи стандарттарын енгізуге, тәуекелдерді басқаруға, ішкі бақылауды дамытуға, ESG-қағидаттарын біріктіруге, сондай-ақ инновацияларды ілгерілетуге және адами капиталды дамытуға ерекше назар аударылады.
Активтерді басқарудың негізгі міндеті – елдің энергетикалық қауіпсіздігін нығайту және инфрақұрылымды жаңғырту, активтер құрылымын оңтайландыру, тұрақты даму және тәуекелдерді азайту арқылы өндірістік қуаттардың тиімділігін арттыру. Сонымен қатар Саясат ұзақ мерзімді тұрақты өсу мүддесі үшін акционерлермен, инвесторлармен және серіктестермен өзара әрекеттесуді нығайтуға бағытталған.
Топты басқару принциптері
- Теңгерім: «Самұрық-Энерго» АҚ Топта жүзеге асыратын басқарма мен компаниялардың өз қызметін жүзеге асыруы үшін жедел шешімдер қабылдауда дербестікті қамтамасыз ету арасындағы теңгерімді қамту.
- Ашықтық және есеп беру: Шешім қабылдауда ашықтықты және акционерлер мен мүдделі тараптар алдында есеп беруді қамтамасыз ету.
- Тиімділік және нәтижелілік: Операциялық тиімділікті үнемі арттыру және стратегиялық мақсаттарға қол жеткізу.
- Тәуелсіздік және объективтілік: Объективті бақылау және шешім қабылдау үшін білікті тәуелсіз директорлардың, акционер өкілдерінің қатысуымен Директорлар кеңесін қалыптастыру.
- ESG факторларын біріктіру: Топтың қызметіне экологиялық, әлеуметтік жауапкершілік және корпоративтік басқару стандарттарын енгізу.
«Самұрық-Энерго» АҚ Компаниялар тобына қатысты бірыңғай саясатты қалыптастырады және ЕТҰ үшін әдістемелік ұсынымдар мен корпоративтік стандарттарды бекітеді. Мұндай бағыттарға адам ресурстарын басқару, ақпараттық технологиялар, инвестициялар, сонымен қатар тәуекелдер, жоспарлау, экономика, қаржы және корпоративтік басқару мәселелері кіреді.
Активтерді басқару жүйесінің мақсаттары:
- Мәселелерді қарау және шешім қабылдау тәртібінің иерархиясын сақтау;
- «Самұрық-Энерго» АҚ Компаниялар тобының корпоративтік органдарының уақтылы шешім қабылдауы;
- ЕТҰ органдары үшін процестердің басқарылуын арттыру;
- ЕТҰ корпоративтік басқару деңгейінің үздік әлемдік тәжірибеге сәйкестік рейтингін арттыру.
«Самұрық-Энерго» АҚ еншілес және тәуелді ұйымдарын басқарудың басым құралдары:
- Кәсіби Директорлар кеңестерін/Бақылау кеңестерін қалыптастыру, Директорлар кеңестерін/Бақылау кеңестері мен ЕТҰ басшылары қызметінің нәтижелілігін қамтамасыз ету есебінен ЕТҰ корпоративтік басқару деңгейін арттыру;
- ЕТҰ стратегиялық мақсаттарын (ҚНК) айқындау, ЕТҰ Даму стратегиясы мен Даму жоспарын орындау тиімділігіне мониторинг жүргізу және бағалау арқылы ЕТҰ-ға тиімді басшылықты қамтамасыз ету;
- «Самұрық-Энерго» АҚ Компаниялар тобы бойынша негізгі мәселелер бойынша бірыңғай тәсілдерді қамтамасыз ету үшін бірыңғай саясаттарды, корпоративтік стандарттар мен әдістемелік ұсынымдарды қалыптастыру, ЕТҰ- да басқарудың және ағымдағы қызметтің үздік тәжірибелерін ілгерілету;
- Саясаттарды, стандарттар мен әдістемелік ұсынымдарды енгізу, құзыреттерді арттыру, қызмет нәтижелерін жақсарту және/немесе ЕТҰ проблемалық мәселелерін шешу үшін корпоративтік басқарудың қолданыстағы қағидаттарын сақтай отырып және Компанияның құзыреті шегінде ЕТҰ қызметіне қолдау көрсету және сараптама жасау;
- Компанияның стратегиялық мақсаттарына қол жеткізу, мемлекеттік органдармен өзара әрекеттесу, монополияға қарсы реттеу, тарифтік саясат, инвесторларды тарту және т.б. мәселелер бойынша «Самұрық-Энерго» АҚ Компаниялар тобының инвестициялық портфелінің құнын арттыру мақсатында Компания тобының және жекелеген ЕТҰ мүдделерін ілгерілету;
- «Самұрық-Энерго» АҚ Компаниялар тобы деңгейінде синергетикалық әсерге қол жеткізу үшін бизнес-синергияны іздестіру және іске асыру ЕТҰ арасындағы ынтымақтастық үшін мүмкіндіктерді іздеу және ұсыну арқылы, мысалы, қосымша қызмет түрлері есебінен, сервистік фабрикалар, жалпы қызмет көрсету орталықтарын құру, шығындарды оңтайландыру, жаңа функционалдық стандарттарды енгізу және т.б.
«Самұрық-Энерго» АҚ Тобын басқарудың негізгі механизмдері:
Корпоративтік басқару және бақылау
- Тәуелсіз сарапшылардың қатысуымен Директорлар кеңесі құрылады.
- Акционерлер, Директорлар кеңестері және атқарушы органдар арасында өкілеттіктер нақты бөлінеді.
- Директорлар кеңесі мен менеджмент жұмысының тиімділігін үнемі бағалау жүргізіледі
Қаржылық және инвестициялық бақылау
- Бюджеттер мен қаржылық жоспарлар бекітіледі және бақыланады.
- Капитал құрылымы мен инвестициялық шешімдер ұзақ мерзімді мақсаттарға сәйкес оңтайландырылады.
- Пайданы теңгерімді бөлу үшін дивидендтік саясатты бақылау жүзеге асырылады.
Тәуекелдерді басқару және ішкі бақылау жүйесі
- Ішкі аудит және тәуекел-менеджмент жүйесі жұмыс істейді
- Заңнамаға, ESG-стандарттарға және сыбайлас жемқорлыққа қарсы талаптарға сәйкестігі қамтамасыз етіледі.
- Киберқауіптерді қоса алғанда, негізгі тәуекелдердің алдын алу және оларға ден қою тетіктері қолданылады.
Активтерді басқару және M&A мәмілелері
- Жекешелендірудің Кешенді жоспарлары шеңберінде активтерді сату жүзеге асырылады.
- Бейінді емес және тиімсіз активтерді шығару жолымен портфельді оңтайландыру жүргізіледі.
ESG принциптері мен тұрақты дамуды біріктіру
- ESG критерийлері басқару және операциялық процестерге енгізілген.
- Халықаралық стандарттар (GRI, TCFD) бойынша қаржылық емес ақпаратты ашу қамтамасыз етіледі.
- ЕТҰ қызметінде экологиялық және әлеуметтік стандарттардың сақталуы бақыланады.
Адами капиталды дамыту және сабақтастық
- Басқару кадрларын дамыту және оқыту бағдарламалары жүзеге асырылуда.
- Әртүрлілікті ескере отырып, кәсіби директорлар кеңесі құрылады.
- Әдеп пен инновацияға негізделген корпоративтік мәдениет насихатталуда.
Диджитализация және операциялық тиімділікті арттыру
- Цифрлық шешімдер мен бизнес- процестерді автоматтандыру енгізілуде.
- Тиімділік пен стратегиялық жоспарлауды жақсарту үшін аналитика мен AI құралдары қолданылады
- Энергия тиімділігі артып, инновациялық технологиялар енгізілуде
Мүдделі тараптармен өзара әрекеттесу
- Акционерлермен, инвесторлармен және мемлекеттік құрылымдармен тұрақты диалог жүргізілуде.
- Серіктестіктер дамып, инвестициялар ашық басқару арқылы тартылады.
- Сенім мен ашықтыққа ықпал ететін коммуникациялық стратегия іске асырылуда.
Мониторинг және аудит
- Активтер мен рәсімдердің жай-күйіне тұрақты ішкі және сыртқы аудиттер жүргізіледі.
- Қаржылық есептілік стандарттары мен экологиялық талаптарға сәйкестігі бағаланады.
«Самұрық-Энерго» АҚ ұйымдық құрылымы
«Самұрық-Энерго» АҚ-ның қолданыстағы ұйымдық құрылымы мен штат саны Директорлар кеңесінің 2024 жылғы 27 тамыздағы шешімімен бекітілген және 174 штат бірлігін құрайды.
«Богатырь Көмір» ЖШС-нің негізгі жобаларын іске асыруға, салалық үрдістердің мониторингін күшейтуге, инвесторларды тартуға, сондай-ақ өнеркәсіптік қауіпсіздік деңгейін арттыруға және жарақаттануды азайтуға бағытталған құрылымды өзектендіру шеңберінде бұрын бекітілген құрылымға өзгерістер енгізілді:
- даму жөніндегі Тең басқарушы директор лауазымы енгізілді;
- «Еңбекті қорғау» департаментінің штаты 5 бірлікке ұлғайтылды.
Корпоративтік басқару жүйесінің тиімділігін арттыру
2021 жылы «Самұрық-Қазына» АҚ дауыс беретін акциялардың 50%-дан астамын тікелей немесе жанама иеленетін ұйымдарда бекітілген әдістеме бойынша «Самұрық-Қазына» АҚ Корпоративтік басқару жүйесінің жүргізілген диагностикасына сәйкес «Самұрық-Энерго» АҚ Корпоративтік басқару рейтингі «ВВ» деңгейінде («орташа» жетілу деңгейі) белгіленген. Корпоративтік басқарудың негізгі аспектілері талданды:
- Директорлар кеңесі мен атқарушы органның тиімділігі;
- Тәуекелдерді басқару;
- Ішкі бақылау және аудит
- Тұрақты даму, акционерлердің құқықтары;
- Айқындық.
Даму стратегиясына сәйкес біз денсаулық сақтау және еңбек қауіпсіздігін қамтамасыз ету, қоршаған ортаны қорғау, энергия тиімділігі, сыбайлас жемқорлық пен алаяқтыққа қарсы іс-қимыл сияқты бағыттарды қамтитын тұрақты даму тұжырымдамасы мен ESG қағидаттары призмасы арқылы корпоративтік басқарудың тиімділігін арттыруға бағдарланғандық.
Қызметтің адамға және қоршаған ортаға әлеуметтік және экологиялық әсерін ескеретін басқарушылық тәсілді қамтамасыз ету үшін біз 2024 жылы «Самұрық-Энерго» АҚ тұрақты дамуды басқару жүйесін жетілдіру жөніндегі 2024 жылға арналған Жол картасын бекіттік, оған экологиялық және әлеуметтік аспектілерде, сондай-ақ Компанияның корпоративтік басқаруының тәуелсіз диагностикасының және жетекші халықаралық рейтингтік агенттіктердің ESG процестерін бағалау нәтижелерінің қорытындылары бойынша қалыптастырылған корпоративтік басқару мәселелерде біздің қызметімізді жетілдіруге бағытталған іс-шаралар кіреді.
2024 жылға арналған тұрақты дамуды басқару жүйесін жетілдіру жөніндегі Жол картасы, басқалармен қатар, корпоративтік басқару тәжірибесін жақсартуды және дамытуды талап ететін облыстарды дамытуға бағытталған 106 іс- шараны іске асыруды көздейді.
«Самұрық-Қазына» АҚ Басқармасының 2023 жылғы 10 қарашадағы шешімімен «Самұрық- Энерго» АҚ жаңа редакцияда Корпоративтік басқару кодексін бекітті.
Бірыңғай стандарттарды қолдану мақсатында «Самұрық-Энерго» АҚ Басқармасының 2023 жылғы 15 желтоқсандағы шешімімен «Самұрық-Энерго» АҚ Компаниялар тобы үшін жаңа редакцияда жаңартылған Корпоративтік басқару кодексі бекітілді.
Корпоративтік басқару кодексімен мына сайтта танысуға болады: https://www.samruk-energy.kz/images/Corporate_documents/KKU_2024_kz.pdf
«Самұрық-Энерго» АҚ Корпоративтік менеджмент жүйесі
Қызметті тиімді және транспарентті басқару үшін біз тұрақты даму тұжырымдамасына бағытталған корпоративтік менеджмент жүйесін енгіздік.
Осы саладағы «Самұрық-Энерго» АҚ негізгі құжаты Корпоративтік менеджмент жүйесінің саясаты болып табылады (толығырақ «Самұрық-Энерго» АҚ сайтында – https://www.samruk-energy.kz/images/Corporate_documents/Politika_KSM_08_2024_kz.pdf.
Менеджменттің корпоративтік жүйесінің ағымдағы жай-күйін объективті бағалауды қамтамасыз ету, сондай-ақ өзара іәрекеттесу деңгейін арттыру, аудит қағидаттарын іске асыруды қамтамасыз ету және қажетті білім базасын қалыптастыру мақсатында біз еншілес және тәуелді ұйымдардың, сондай-ақ корпоративтік орталықтың мамандары «Самұрық-Энерго» АҚ ішінде аудит жүргізуді көздейтін кросс функционалдық аудит тәсілін қолданамыз.
2024 жылы корпоративтік менеджмент жүйесінің ISO 9001, ISO 14001, ISO 45001, ISO 50001 және ISO 37001 халықаралық стандарттарының талаптарына сәйкестігін растау бойынша сыртқы қадағалау аудиті сәтті өтті.
Сертификаттау халықаралық деңгейдегі аудиторларды тарта отырып, MS Certification Services сәйкестігін растау жөніндегі халықаралық органның рәсімдеріне сәйкес жүргізілді және Компанияның мынадай активтерін (өндірістік алаңдарын) қамтыды: «Б. Нұржанов атындағы Екібастұз МАЭС-1» ЖШС, «Екібастұз МАЭС-2 станциясы» АҚ, «Алматы электр станциялары» АҚ, «Мойнақ СЭС» АҚ, «Samruk Green Energy» ЖШС, «Алатау Жарық Компаниясы» АҚ, «АлматыЭнергоСбыт» ЖШС, «Шардара СЭС» АҚ, «Бірінші жел электр станциясы» ЖШС, сондай-ақ «Самұрық-Энерго» АҚ корпоративтік орталығы.
Сертификаттақ аудиттің қорытындысы бойынша Компанияның корпоративтік менеджмент жүйесінің дамуы мен жұмыс істеуінің оң жақтары белгіленді, атап айтқанда
- Компанияның алға қойған мақсаттарына қол жеткізуге басшылықтың жоғары бағдар беру дәрежесі;
- Тәуелді ұйымдарда менеджмент жүйесінің кроссфункционалды корпоративтік аудиттерін ұйымдастыру және өткізу;
- Компания қызметінде электрондық түрде құжатталған ақпаратпен алмасудың жақсы деңгейі;
- Процестерді жоспарлау және басқару үшін ақпараттық жүйелерді қолдану;
- Тәуелді ұйымдар тарапынан корпоративтік менеджмент жүйесін дамытуды қолдау;
- Энергетикалық нарықтың барлық қатысушыларының мүдделерін қорғауға бағытталған талаптарды белгілеу мақсатында қолданыстағы заңнамаға өзгерістер енгізу.
Корпоративтік басқару кодексін сақтау
Есепті кезеңде Компания «Самұрық-Қазына» АҚ Басқармасының 2023 жылғы 10 қарашадағы шешімімен бекітілген Корпоративтік басқару кодексін (№54/23 хаттама, (бұдан әрі – Кодекс)) басшылыққа алды.
Компания өзін-өзі бағалау және ағымдағы қызметтің нақты сәйкестігіне талдау жүргізді.
Жүргізілген өзін-өзі бағалау нәтижелері 2024 жылы Компания Кодекстің негізгі қағидаттары мен ережелерін сақтағанын көрсетеді. 2024 жылдың қорытындысы бойынша Кодекстің 120 ережесінің 117 ережесі сәйкес болды, ал 3 ережесі ішінара сәйкес келді.
Сонымен, төменде көрсетілген тармақтар Кодекстің ережелеріне ішінара сәйкес келеді деп айқындалған:
«Директорлар кеңесінің және атқарушы органның тиімділігі» 5-тарауының 64-тармағы
Ережеге сәйкес, Директорлар кеңесінің құрамында тәжірибе, жеке қасиеттер және гендерлік құрам бойынша әртүрлілікті қамтамасыз ету қажет. Директорлар Кеңесінде әйелдердің ұсынылу деңгейі мүшелердің жалпы санының кемінде 30%-ын құрайды
2024 жылы Қоғамның Директорлар кеңесінің құрамы әр түрлі дағдылар, білім мен құзыреттілік талаптарына сай болды, бірақ қажетті гендерлік тепе-теңдікті қамтамасыз етпеді.
Айта кету керек, 2025 жылғы 13 наурызда «Самұрық-Қазына» АҚ Басқармасының шешімімен (№10/25 хаттама) Қоғамның Директорлар кеңесінің құрамына Г.Т. Атамқұлова тәуелсіз директор болып сайланды. Осылайша, 2025 жылы Директорлар кеңесіндегі әйелдердің өкілдігі 14%-ды құрайды.
«Директорлар кеңесінің және атқарушы органның тиімділігі» 5-тарауының 65-тармағы
Тармақта қабылданған шешімдердің тәуелсіздігін және барлық акционерлерге әділ қарауды қамтамасыз ету үшін Директорлар кеңесінің құрамында тәуелсіз директорлардың жеткілікті саны болуға тиіс екендігі көзделген. Тәуелсіз директорлардың ұсынылу деңгейі Директорлар кеңесі мүшелерінің жалпы санының 50%-ға дейін болуы керек.
2024 жылы қолданыстағы Директорлар кеңесінің құрамында 7 мүшенің үшеуі тәуелсіз директорлар болып табылады, бұл жалпы санның 43%-ын құрайды және ұсынылған деңгейге толық сәйкес келмейді.
«Директорлар кеңесінің және атқарушы органның тиімділігі» 5-тарауының 91-тармағы
Осы тармаққа сәйкес тағайындаулар мен сыйақылар жөніндегі комитеттің төрағасы Директорлар кеңесінің төрағасы болуға тиіс. 2024 жылы бұл функцияны В.Д. Огай – Директорлар кеңесінің мүшесі, аға тәуелсіз директоры орындады, бұл аталған ережеден ауытқу болып табылады.
Компанияның корпоративтік басқару жүйесін жетілдіру жоспарлары
2025 жылы «Самұрық-Энерго» АҚ климаттық сын-қатерлерді ескере отырып, корпоративтік басқаруды нығайтуға, ESG-қағидаттарын біріктіруге және ашықтықты арттыруға күш салады. Негізгі бағыттарға мыналар жатады.
Климаттық тәуекелдерді басқару. Физикалық және өтпелі климаттық тәуекелдерді бағалай отырып, көміртегі бейтараптығына қол жеткізуге сценарийлік талдау жүргізу, қаржылық салдарларды талдау, секторлар (көмір, ЖЭО, СЭС, ЖЭК) бойынша тәуекелдерді бағалау әдіснамасын әзірлеу және TCFD ұсынымдарына сәйкес ақпаратты ашу жоспарлануда.
ESG тәсілдерін дамыту. Тұрақтылық пен ашықтықты арттыру мақсатында Компания халықаралық ESG-рейтингін алуды, сондай-ақ ESG-критерийлеріне сәйкес ішкі басқару саясаттары мен тәжірибелерін қайта қарауды және өзектендіруді жоспарлап отыр. ESG- қағидаттарын енгізу, оның ішінде ресми ресурстардағы ақпаратты жаңарту жөніндегі жұмыс жалғастырылатын болады.
CDP-ге қатысу және климаттық рейтинг. Компания CDP шеңберіндегі деректерді ашуға қатысады және климаттық рейтинг алу үшін есеп беру сапасын жақсарту жұмыстарын істейді.
Біріктірілген есеп. GRI, ISSB, TCFD талаптарына және LSE мен АХҚО стандарттарын қоса алғанда, үздік халықаралық тәжірибелерге сәйкес тұрақты даму туралы ақпаратты қамтитын Біріктірілген жылдық есепті әзірлеу жалғастырылатын болады.
Есептілікті тәуелсіз тексеру. Біріктірілген есептің негізгі нефинанстық көрсеткіштеріне тәуелсіз тексеру жүргізу жоспарлануда.
Қызметкерлерді оқыту және дамыту. 2025 жылы энергетикадағы корпоративтік басқару және ESG-факторлар мәселелері бойынша топ-менеджмент пен қызметкерлер үшін оқыту іс-шаралары өткізілетін болады.
Корпоративтік құжаттарды өзектендіру. Корпоративтік басқару кодексінің жаңа редакциясын бекіту және ішкі нормативтік құжаттарды оның ережелеріне сәйкес келтіру жоспарлануда
Еншілес ұйымдарда дамыту. Еншілес компанияларда Корпоративтік басқару қағидаттарын біріктіру жалғастырылатын болады: қолданыстағы құжаттар мен процестерге аудит жүргізілді, оларды жетілдіру бойынша ұсынымдар берілді және оларды енгізу жөніндегі іс-шаралар іске асырылды.